:
div class="separator" style="clear: both; text-align: center;">
div class="separator" style="clear: both; text-align: center;">
الثلاثاء، 2 يونيو 2020
الجبس نوعين , يا جبس بلدي يا جبسن بورد , وفي نوع تالت ظهر اسمه الجبس الماليزي وده عيوبه تكمن ان قليل الي بيشتغل بيه وصعب في المرمات جدا.
ان شاء الله انهاردة هناخد بند الواح الجبس الجاهزة او الجبسن بورد .
الموجود في مصر 3 انواع :
الابيض : وده اقلهم تقريبا في السعر والجودة , غير مقاوم للرطوبة فـ مينفعش يتحط في حمام او مطبخ
الاخضر : وده مقاوم للرطوبة واعلي من الابيض
الاحمر : وده مقاوم للحريق وغالبا لا يستخدم في المنازل
div>--------------------- الجبس والرخام والحجر لازم تجيبهم توريد وتركيب الا في حالة لو انت ضامن الناس الي هتشتغل , بمعني انك مينفعش تجيب الواح الجبس وباقي المستلزمات ( الي هاقولها تحت ) وتسيب الصنايعي يشتغل لانه هـ يهدر كتير فـ الجبس وهيتسخدم الواح اكتر ولما تخلص هيقولك الالواح خلصت هات تاني , لكن لما بيعملها توريد وتركيب بيكون حريص علي الجبس علشان هوا هيتحاسب علي الي عمله بس .
- الحساب يا اما بالمتر الطولي يا اما بالمتر المربع
= المتر الطولي : اي سطح عرضه اقل من 1 متر
= المتر المربع : اي سطح عرضه اكبر من 1 متر
ولازم تكون متفق مع الصنايعي هوا هيحسب ايه قبل ما يبدأ شغل لانها بتفرق كتير في الحساب في الاخر .
-
- اول حاجة هيعملها الصنايعي اول ما يدخل البيت انه هيشغل ميزان ليزر معاه , واغلب بتوع الجبس شغالين بيه , علشان يشوف المحارة بتاعت السقف مظبوطة ولا لأ وعلشان يشوف الحوائط فيها ميول ولا لأ , يفضل تبقي واقف لان الشقة لو نص تشطيب المحارة نادرا اما بتكون مظبوطة وبيكون فيها ميول .. هوا دوره يخفي الميول دي بذكاء , يعني لو في حيطه طولها 8 متر السقف في ميل 3 سم .. مينفعش يبقي في كسره في النص معوض فيها فارق الـ 3 سم دي , لكن مفروض ياخدها بشكل تدريجي مع الجنب كله بحيث متبقاش باينه .
-------------
- استلام الجبس ده بيكون سهل ومش صعب في جزئية الميول , عكس الجبس البلدي , هتخليه يشغل الميزان الليزر بعد ما يخلص وتشوف كل الجوانب مظبوطة ولا لأ , اهم حاجة بقي النقط الجاية دي ..
- التثبيت بتاع الجبس ده صعب مش سهل , لانه بيتثبت بـ زوايا ومسامير واحيانا تيش , علشان كدا حاول متجبش ارخص سعر موجود حاول تجيب حد مضمون , الواح الجبس دي خفيفه مش زي الجبس البلدي تقيل , تثبيت الجبس البلدي بيكون ب كتان ووصلات جبس ومسامير وسلك , فـ بيكون امتن كـ تثبيت ( لكن الجبس البلدي مش افضل بشكل عام ليه عيوب برضو ) ..
التثبيت بيكون بـ :
1- زوايا
2 - اوميجات ( ودي الي بيبقي عليها حمل اللوح تقريبا ) , ودي عبارة عن قطعه صاج متينه جدا ( صورتها تحت )
3 - في مسامير بتتربط بـ شنيور صغير , المسامير دي بتثبت المكونات دي ببعضها باللوح .
------------
- استلام الجبس بيكون بالمعجون بتاعه , لازم تجيب الكهربائي يفتح الاسبوتات قبل المعجون , علشان لو معجن علي الجبس المسامير هتختفي ولو كوبايه الشنيور الي بتفتح الاسبوت خبطت في مسامير هتبقي مشكلة .. خلي بالك من اماكن اللحام بتاعت الواح الجبس , لو الجنب طويل بيبقي في لحامات في الجبس , الاماكن دي هيا الي بيحصلها تنميل بعد كدا وتعمل مشاكل ف الجبس , دي بيتلزق عليها ( تيب لاصق ) وده شبه البلاستر الطبي كدا بس امتن شوية , بيتحط قبل المعجون .
إرسال تعليق